Wayne Tsang

Hello 大家喺 阿Wing，我喺2019年喺香港完成高中之後，就開始咗補習教學。一路以嚟主要教IB化學、生物，同埋普通數學，幫唔同程度嘅學生打好基礎、慢慢進步。 我教書嘅方式比較著重「理解多過死記」。好多學生會覺得科學好難，其實好多時只係因為冇人用一個清晰、有系統嘅方法去講。我會幫你將複雜嘅概念拆開，一步一步講清楚，等你唔單止識做題目，仲可以真正明白背後嘅原理。 之前我亦喺教育機構做過，幫學生由香港轉去英國讀書，準備入學試，同時提升佢哋嘅non-verbal reasoning同解難能力。其實呢啲技巧同學科學好有關，因為讀科學唔只係背書，而係要識分析同思考。 除咗教學之外，我由7歲開始（2008年）就一直打冰上曲棍球，代表香港去唔同國家比賽。多年嘅訓練令我學識紀律、堅持同點樣一步一步進步，而我都會將呢種心態帶返去教學，幫學生搵到適合自己嘅學習方法。 我希望幫到你唔單止成績進步，仲可以對科學冇咁驚，甚至慢慢建立信心同興趣。